Белово хоорайга...
Чоокта чаа Красноярск крайның Белово хоорайга Сибирь девискээриниң бирги чери дээш 16 хар чедир уруглар аразынга хостуг хүреш маргылдаазы болуп эрткен. Маргылдааның кол сорулгазы — “Хүреш школаже” деп төлевилелди боттандырары база Россияның бирги чери дээш маргылдаага киржир эргени чаалап алыры. Аңаа Олимпийжи курлавырлар школазындан тренер башкы Айдың Достайның өөреникчилери: 39 килге 2-ги черни Аделина Эргил-оол база 42 килге 3-кү черни Улаана Сагаан алганнар.
Россияга киржир эргени чаалап алганнар
Январь16-19 хүннеринде Назарово хоорайга СФО-нуң бирги чери дээш 18 хар чедир оолдар, уруглар аразынга 2026 чылдың ээлчеглиг хостуг хүреш маргылдаазы болуп эрткен. Аңаа дараазында мөгелер чедиишкинниг хүрежип, Россияның бирги чери дээш маргылдаага киржир эргени чаалап алган.
Оолдар аразынга төлептиг болганнар: 45 килге 3-кү чер — Найыр Доржу (тренери С.-Б. Шожап), 2-ги чер — Начын Кара-оол (тренери С.С. Ондар); 48 килге 3-кү чер — Найыр Монгуш (тренери Э.-М.А. Донгак), 2-ги чер — Чайыр Ооржак (тренери В.В. Донгак); 51 килге 1-ги чер — Шаанак Ооржак (тренери А.С. Лопсан-Сүрүн); 55 килге 2-3-кү черлер — Сайын-Белек Сат биле Тандар Ондар (тренери А.К. Делгер-оол).
Уруглар аразынга тиилекчилер: 53 килге 1-ги чер — Лилия Байыр, 69 килге 2-ги чер — Виолета Саая, 46 килге 3-кү чер — Аңгырак Монгуш, 61 килге 3-кү чер — Даң-Хая Адыг.
Шаңнал кирген мөгелер Россияның бирги черинге киржир эргени чаалап алганнар.
200 хире элээди мөгелер киришкен
Январь 16-18 хүннеринде "Херел" спорт залынга Республиканың бирги чери дээш 16 хар чедир оолдар, уруглар аразынга хостуг хүреш маргылдаазы байырлыг байдалга болуп эрткен. Аңаа кожууннардан ниитизи-биле 200 хире бичии мөгелер күжүн шенеп киришкеннер. Маргылдааның кол сорулгазы — “Спорт школаже”, “Кадык амыдыралче чүткүл” деп төлевилелдерни боттандырары база шыырактарны шилип белеткээри.
Оолдар 35 килден өрү 100 килге чедир 12 аңгы деңзиге, кыс уруглар 33 килден өрү 9 аңгы деңзиге хүрешкен.
Деңзи аайы-биле дараазында мөгелер шаңналдыг черлерни алган: оолдар хүрежинге 35 килге 1-ги чер — Айдаш Кара-оол, 2-ги чер — Сылдыс Такпажык, 3-кү черлер — Бады-Очур Куулар биле Сайын-Белек Донгак; 38 килге 1-ги чер — Начын Пуружен, 2-ги чер — Начын Кара-оол, 3-кү черлер — Найыр Доржу биле Чойган Донгак; 41 килге 1-ги чер — Шагаамай Күжүгет, 2-ги чер — Доржу Куулар, 3-кү черлерни Хүреш Ооржак биле Чайыр Ооржак алган; 44 килге 1-ги чер — Сайын-Белек Ховалыг, 2-ги чер — Ай-Демир Ооржак, 3-кү черлер — Чурумал Ооржак биле Эрес Даваа; 48 килге 1-ги чер — Алдай Тайынчы, 2-ги чер — Намсырай Янчал, 3-кү черлер — Чимит Салчак биле Экер Куулар; 52 килге 1-ги чер — Очур Дөрбет, 2-ги чер — Белек Чүлдүм, 3-кү чер- лер — Сухбат Монгуш биле Белек Монгуш; 57 килге 1-ги чер — Сайын-Белек Сат, 2-ги чер — Сергек Сат, 3-кү чер- лер — Каң-Демир Ондар биле Шолбан Куулар; 62 килге 1-ги чер — Санчай Ооржак, 2-ги чер — Айыңы Ховалыг, 3-кү черлер — Араптан Монгуш биле Начын Ондар; 68 килге 1-ги чер — Начын Саая, 2-ги чер — Каң-Демир Түлүш, 3-кү черлер — Чараш-оол Соян биле Эрсайын Монгуш; 75 килге 1-ги чер — Начын Сат, 2-ги чер — Намчыл Монгуш, 3-кү черлер — Арбын Ооржак биле Аңчы Саая; 85 килге 1-ги чер — Күдер Куулар, 2-ги чер — Сыдым Ооржак, 3-кү чер- лер — Арат Куулар биле Сайын Оюн; 100 килге 1-ги чер — Найыр Куулар, 2-ги чер — Соруктуг Монгуш, 3-кү черлерни Шойгу Сарыглар биле Нанчув Додук алганнар.
Кыс уруглар хүрежинге: 33 килге 1-ги чер — Аделина Эргил-оол; 36 килге 1-ги чер — Шеңне Кара-оол, 2-ги чер — Улана Сагаан, 3-кү чер — Сайрана Балдан; 39 килге 1-ги чер — Алдын-Сай Базыр-оол, 2-ги чер — Оюна Опай, 3-кү чер — Ариуна Кара-Сал; 42 килге 1-ги чер — Алдына Кыргыс, 2-ги чер — Кадын-Ай Донгак, 3-кү чер- лер — Дарина Эдирек биле Алина Данова; 46 килге 1-ги чер — Айза Хомушку, 2-ги чер — Ева Түлүш, 3-кү черлер — Мөнгүнеш Ондар биле Аянмаа Ондар; 50 килге 1-ги чер — Саглаш Когелчик, 2-ги чер — Алдын-Сай Данзын-оол, 3-кү черлер — Айлу Салчак биле Сайхаана Серен-Доржу; 54 килге 1-ги чер — Мөңгүн-Ай Шойдан, 2-ги чер — Онзагай Ооржак, 3-кү черлер — Алдын-Сай Эртине биле Ай-Дана Томбулак; 58 килге 1-ги чер — Лилия Байыр, 2-ги чер — Ешела Ховалыг, 3-кү черлерни Айрана Тамарских биле Аселжя Сат алганнар; 66 килге Яна Монгуш төлептиг болган.
Бокс фестивалы
"Сүбедей" спорт ордузунга январь 12-ден 16-га чедир 4 аңгы назы-хар аайы-биле бичии, элээди, аныяк оолдар, уруглар аразынга республиканың бирги чери дээш шилилгелиг бокс маргылдаазы болуп эрткен. Маргылдаага кожууннардан ниитизи-биле 200 хире шыырак боксёрлар киришкен. Маргылдааның кол сорулгазы боксту республика иштинге калбаа-биле сайзырадыры болур. Бокс — быжыг туруштуг, соруктуг, кадык амыдыралче чүткүлдүг кижилерниң оюну.
Маргылдааның эгезинде Спортчу командалар белеткээр төптүң улуг тренери С.К. Чимиян бокстуң ажыы, сорулгазы база бокс тренериниң ажылы деп ажыктыг өөредилгени чоруткан. Маргылдааның ажыдыышкынынга ТР-ниң спорт сайыдының хүлээлгезин күүседип турар Саян Монгуш, СФО-нуң киржикчизи Александр Доржу, бокстуң хоочуннары — тренерлер Борис Донгак, Виктор Наксыл, Илья Шивит-Хуурак, Шолбан Дандар база оон-даа өскелер киришкен. Оларның аразындан бокстуң хүндүлүг президентизи, Дээди Хуралдың депутады Шолбан Дандар маргылдаага хамаарыштыр 17-18 харлыг боксёрларның бөлүүнде шыырак боксёрлар барын дыңнаткан. Оларның аразындан Россияның тиилекчилерин белеткеп болур, чүгле демниг ажылдаарын сүмелээр болду.
/ Спорттуң хоочуну Алексей ЧАМБАЛ-ООЛ белеткээн.
Чуруктарны социал четкиде “Тыва спорт” блогундан алган.
“Шын №2 2025 чылдың январь 22