Бо чылын диктантының даалгаларын алды дылга – кыдат, серб, испан, немец, француз болгаш англи дылдарга очулдурган. «Тиилелгениң диктантызын” бижидер шөлдерниң саны ам безин 22 муң ашкан” деп “Төөгүлүг тураскаал” деп партийжи төлевилелдиң координатору, Күрүне Думазының информастыг политика талазы-биле комитединиң даргазы Александр Хинштейн чугаалап турар.
«Чыл келген тудум регионнарда ындыг шөлдерниң, чурттуң төөгүзүн сонуургап чоруур диктант киржикчилериниң саны көвүдеп олурар. Ол дээрге төөгүлүг тураскаалды, өгбелеривистиң маадырлыг чоруун, Ада-чуртувустуң маадырлыг төөгүзүн утпайн чоруурувус ол-дур. А бөгүн диктантыда көдүртүнүп турар айтырыглар тоң чугула” — деп, ол айыткан.
Эң хөй шөлдер саны Ставрополье, Краснодар крайда, Москва, Самара болгаш Тула областарында. 120 ажыг «Тиилелгениң диктантызы” шөлдерин Донбасска организастаар.
Диктантының регионалдыг кезээнге айтырыгларны 18 чурттуң төөгүчүлери, политиктиг уг-шиглиг хөй-ниити каттыжыышкыннары тургускан. Ооң иштинде Абхазияның, Азербайджанның, Аргентинаның, Арменияның, Бельгияның, Болгарияның, Египеттиң, Индияның, Казахстанның, Киргизияның, Молдованың, Моолдуң, Сербияның, Таджикистанның, Узбекистанның, Финляндияның, Францияның, Чехияның база. Бо чылын бо төөгүлүг акцияга бир-ле дугаар Шри-Ланка база киржип турар.
«Тиилелгениң диктантызы” апрель 27-де эртер. Ооң Төп шөлү чаңчыл езугаар Москваның Тиилелге музейи болур.
#Тиилелгениңдиктантызы #Чаңгысдемнигроссия #Тиилелгехүнү #Шынсолун #Тывадыл
