Чадаана хоорайныӊ чуртакчыларынга хандырылга чедирер база бир чаа сервисти байырлыг ёзу-биле ажыткан. Ол дээрге тускай шериг операциязыныӊ хоочуну Саян Ондарның хуу автомойказы-дыр.
Чурттакчылар аӊаа машина-балгат, хевистер болгаш өске-даа эдилелдерни чугдуруп ап болур.
ТШО-нуӊ хоочуну социал керээ чарып алгаш, социал деткимчени алган. Күрүне аӊаа 350 муӊ рубльди аӊгылап бээрге, ол бодунуӊ бажыӊыныӊ хериминиӊ иштинде гаражын автомойка кылдыр тудуп алган.
Саян Ондар ооӊ мурнунда Төп шериг округунуӊ составында 55-ки мото-адыгжы (даг) бригадага ажылдап чораан. Дайынчы хөделиишкиннерниӊ хоочуну – хөй ажы-төлдүг ада. Ол беш уруглуг, хеймери чаа-ла 5 харлыг.
Чонга ачы-дуза хандырылгазы чедирер сайгарлыкчы ажыл-иш хөй ажы-төлдүг өг-бүлениӊ амыдыралынга черле дөгүм болур дээрзи бүзүрелдиг.
Оон аӊгыда, Россияныӊ Социал фондузу хоочун бүрүзүнүӊ ажыл-амыдыралынга дузалажыр албан-хүлээлгелиг социал ажылдакчыны быжыглап турар. Дайынның хоочуну Саян Ондарга Чөөн-Хемчик кожууннуӊ социал координатору Чойганмаа Куулар дузалажып чоруур дээрзин «Ада-чурт камгалакчыларыныӊ» фондузунуӊ регионалдыг салбыры дыӊнадып турар.
Р. ДЕМЧИК очулдурган.
“Шын” №100 2024 чылдың декабрь 28
