2023 чылдың республика бюджединден 68,4 млн. рубльди медицина талазы-биле дээди өөредилге черин дооскаш, республикага келген 342 эмчиге дээди өөредилге чериниң соонда болгаш өске регионнарга күш-ажылчы хүлээлгелерин күүседири-биле чаңгыс катап бээр төлевирни аңгылаан.
Төлевирни алырда, эмнелге черлеринде хереглеттинип турар специалистерниң даңзызы ёзугаар ажылга тургустунуп алган болур ужурлуг.
5 чыл дургузунда 200 муң рубльди билдириишкин бижээн соонда төлеп бээр. Төлевир дугайында керээниң хуусаазы ат салган хүнден эгелээр деп санаттынып турар. Чогуур документилер-биле кады дужаар билдириишкинни, ажылга тургустунуп алганы эмнелге албан чериниң кадрлар албанынга, 5 чылдың дургузунда чылдың-на бижиир.
Эмчилерни деткиир программаның киржикчизи, өске эмнелгеже шилчиттирип алган таварылгадан аңгыда, эмнелгеге 5 чыл дургузунда ажыл шагын долузу-биле сагывышаан, күш-ажыл керээзи ёзугаар ажылдаары көрдүнген.
Кадык камгалал яамызының медээлеринден белеткээн.