Тываның Баштыңы Владислав Ховалыг ТР-ниң одалга болгаш энергетика сайыдынга чылыгның болгаш электри четкилериниң профессионал инженери Владимир Фунтиковту томуйлаан.
Владислав Ховалыг Владимир Фунтиковту чылыдылга системазының дугайында кончуг эки билир кижи деп санап турар.
«Ооң арга-дуржулгазын ажыглаар үе келген-дир. Муниципалитеттерни болгаш көдээ ажыл-агыйларны чүгле чогуур деңнелге тудары эвес, а чурумчудар болгаш сайзырадыры чугула дээрзи чажыт эвес. Дугуржулга езугаар, кыска хуусааның дургузунда, одалга болгаш энергетика комплекизинге ажылдааш, хыналданы чоруткаш, чаартылгалар кылырынга херек чүүлдерни тодарадып, аныяк кадрларга арга-дуржулгазын көргүскени дээш, Мерген Балыкаевич Дагбага өөрүп четтиргеним илереттим» деп социал четкиде блогунга Владислав Ховалыг демдеглээн.
Удавас республикага одалга сезону эгелээр. Чаа томуйлаткан сайыттың мурнунда харыысалгалыг даалгалар хөй дээрзин Владислав Ховалыг сагындырган.
Чурукту интернет четкизинден алган.
Чаа сайытты томуйлаан.
12 сентября 2022
42