Сентябрь 30-де Кызылдың А. Чыргал-оол аттыг уран чүүл колледжизиниң национал хөгжүм херекселдериниң салбырында өөренип турар студентилер Вавилин ээтпээнде Төрээн чурттуң маадырлары аттыг чаа ажыттынган школаның сургуулдарынга солун оюн-тоглаалыг конертти бараалгаткан.
Чаа школаның сценазынга колледжтиң студентилериниң тыва национал хөгжүм херекселдеринге ойнап күүсеткен чараш аялгалары, ол хүн школаның сургуулдарынга болгаш башкыларынга байырланчыг шинчи киирген.
Школаның удуртулгазы студентилерге болгаш оларның башкыларынга четтиргенин илереткеш, чараш оюн-көргүзүүн бедик деңнелге күүсеткенин демдеглээн. Ол ышкаш шак мындыг хемчеглер школачыларның кижизидилгезинге болгаш келир үеде сургуулдарның культура адыры-биле мергежил шилип алырынга улуг салдарлыг болур дээрзин демдеглээн.
Бистиң корр.
Чурукту интернеттен алган.
“Шын” №76 2024 чылдың октябрь 2
