Бөгүн, май 17-ден эгелеп Чадаана хоорайда КАИ-ниң доскуул чери ажылдап эгелээн. Неделяның среда санында КАИ ажылдакчыларындан аңгыда, ында суд приставтары, үндүрүг инспекциязының специалистери база ажылдап эгелээн.
КАИ постузунуң бир дугаар ажылдап эгелээн хүнүнде 50 автомашинаны доскаш, хынаарга, 20-зи орук дүрүмүнге хажыдыышкын кылганы илерээн. Үндүрүг инспекторлары өрелиг чолаачылардан 10 муң рубльди ол-ла черге төлеткен.
