Робер Маршан чуртталгазының улуг чартыында спорт дугайында бодавайн-даа чораан. Ол Францияга Бирги Ада-чурт дайынының үезинде төрүттүнген. Ол өртчү, ыяш кезикчизи-даа кылдыр ажылдаан, вино-даа кылып турган, бир кезек үеде Венесуэлаже, оон Канадаже эмиграциялап көжүп чурттааш, төнчүзүнде Төрээн чуртунче ээп келген. 68 харлапкаш, чуртталгазы турумчаан соонда, ол чарыш чадаг-тергези мунар «хоббилиг» апарган.
Каш чылдар эрткенде, пенсионер бодун чадаг-терге чарыжынга шенеп эгелээн. Эки түңнелдери ону кайгаткан. Ооң назыны хире категориялыг спортчулар көңгүс эвээш. Робер дүжүп бербейн, тергезиниң педальдарын теп чорда, ооң үе-чергелери артпайн барган. Кажан ол 105 харлаптарга, аңаа чүгле боду бодун тиилээр тускай категорияны тургузуп берген. Хоочун спортчунуң сөөлгү көргүзүглери — бир шак дургузунда 22 километрден хөйнү халдыпканы.
Ол ам 107 харлыг. Чаа рекордтар тургузарынга кажан-бир аңаа деңнежир төлептиг адааннажыкчы тыптып кээринге кырган бүзүреп турар.
Чурукту интернеттен хоолгалаан.
«Шын» №20 от 2025 чылдың май 29