Өрт айыылының үези дээрге харның эрээнинден эгелээш, турум чаъстыг күскү агаар-бойдустуң эгезинге чедир азы хар чаарынга чедир үе-дир. Ниитизи-биле алырга, Россияда өрт сезону апрельден ноябрьга чедир үргүлчүлээр.
Изиг агаар-бойдус турупканда, өрт айыылының дүрүмнерин сагып, хатчыл үеде бок болгаш кургаг сиген өрттедирин болдурбаңар деп чурттакчы чонну катап-катап сагындырып турар. Ынчалза-даа ээ-харыысалга чок кижилерниң буруузу-биле өрт айыылы тургустунган турар.
Чылдың-на часкы-чайгы үеде өрттерниң саны көвүдээр. От-биле оваарымча чок чорукту болдурбазының, бодуңарны болгаш дөргүл-төрелдериңерни от айыыл-халавындан камгалап алыр дизе, сагыыр дүрүмнер берге эвес болгаш көңгүс бөдүүн:
✔ Ыяш оран-саваның, чадаң ыяштарның, кургаг сигенниң чанынга ажык от кывыспаңар;
✔ Чоок-кавының девискээрин боктан, тудуг материалдарындан, кургаг сигенден өй-шаанда аштап-арыглаңар;
✔ Арыглап-ашталганың соонда, бөлген бокту болгаш кургаг сигенни өрттетпеңер;
✔ Чылыдылга херекселдерин ажыглап, чунар-бажыңны одап тура, бичии уругларга кажан-даа от тудуспаңар;
✔ Арга-арыгга чорааш, өртке удур дүрүмнерни сагып, ине бүрүлүг аныяк ыяштарлыг аргага, өрттең черлерге, ыяш кезип турган участоктарга от кывыспаңар;
✔ Бажың, херим иштинге өрт өжүреринге көрдүнген суглуг доскаарлыг, хууңнуг болуңар;
✔ Бажыңдан үнүп чоруп тургаш, телевизорну, сайгылгааннарны, шупту электри болгаш газ херекселдерин өжүрүңер.
Бистиң корр.
Чурукту интернеттен алган.
“Шын” №13 2025 чылдың апрель 10