Уруглар садынга Хеймеректен башкызы айтырган:
– Хеймерек, сен хөй кезиинде кымның чугаазын дыңнаар-дыр сен? Аваңның бе азы ачаңның бе?
– Колдуунда авамны дыңнаар чордум – деп, Хеймерек харыылаан.
– Чүге?
– Чүге дээрге авамның чугаазы хөй.
Башкызы өөреникчилеринден: “Уруглар, балыктар чүге ыыттавазыл?” – деп айтырган. Экер-оол тургаш: “Аңгырмаа Маадыровна, бажыңарны аквариумче азы хемче супкаш, катап база айтырып көрүңерем!” – деп харыылаан.
Уруглар садынга башкызы: “Кандыг куштар уя хереглевезил, уруглар?”
– Хектер.
– Чүге?
Олар шак иштинде чурттап турарлар.
– Ачай-ачай, ажылдавайн бистиң чанывыска тур даан – деп, бичии Айыраң дилеп турган.
– Бир эвес ачаң ажылдавас болза, чиир чемивис чок болур ышкажыл – деп, авазы көгүткен.
– Шынап-ла, ындыг-дыр аа. Ачам шупту чемни төндүр чиптер болгай.
Күдерек ада-иези-биле концерт көрүп чораан. Концерт эгелээн. Опера артизи ыяңгылыг ырын эгелей берген. Күдерек тургаш: “Бир эвес бис уруглар садынга мынчаар алгырар болзувусса, бисти башкы кончуп кааптар ийик”.
“Шын” №45 2025 чылдың ноябрь 20