Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Часкы дыштанылга эгелээн

28 марта 2024
17
Тываның школаларында март 25-тен тура өөреникчилерниң часкы дыштанылгазы эгелээн. Бо үе школачыларга чылыг арыг-агаарга дыштанырынга болгаш солун хемчеглерге ойнап-хөглээринге эң-не эптиг үе.


Школачыларның дыштанылгазының үезинде республикага өөредилге, культура, спорт адырларынга база социал камгалал черлеринге 189 түр үениң төптери ажылдаар. Республика чергелиг «Мастерлер хоорайы» база юнармейжилерниң бир дугаар «Юнармияның мисс биле мистери–2024» деп мөөрейи болур. Ол ышкаш «Самбону — школаже!» деп төлевилелдиң чорудуу-биле школачылар аразынга самбо маргылдаазы база болур.

Дыштанылга үезинде уругларга бодунуң кадыкшылынче сагыш салып, айыыл чок чоруктуң дүрүмнерин сагыырын утпазын республиканың Өөредилге яамызы сагындырып турар. Ол ышкаш хостуг үезин шын болгаш хөглүг ажыглаарын, өөредилге чылын чедиишкинниг доозар кылдыр эки дыштанып, чаа күш кирип алырын база сүмелеп турар.
Ооң-биле чергелештир «Айыыл чок чоруктуң лабораториязы» деп мобильдиг комплекстиң үнүүшкүннүг кичээлдерин база организастаар.
Кызыл хоорайга школачыларга часкы дыштанылга үезинде янзы-бүрү хемчеглер болур. Чижээлээрге, Алдан-Маадыр аттыг Национал музейге «Музей кинотеатрын» база «Монополия» деп стол оюннарының клувун организастаар. В. Көк-оол аттыг Национал хөгжүм-шии театрынга «Көк дээрниң оглу», «Сыгырга» деп шиилер көрүлдези болур. Кызылдың элээдилер театры «Нибелунгулар дугайында тоолчургу чугаа» деп шииже школачыларны чалап турар. Тываның Ойнаар-кыстар театры Театр неделязын чарлаан.

К.И. Чуковский аттыг уруглар библиотеказы А.С. Пушкинниң тоолдарынга «Лукоморьеже аян-чорук» деп оюннуг программаны база Уруглар номнарының неделязын организастаан.

Март 30-де В. Көк-оол аттыг Национал хөгжүм-шии театрынга болур Республиканың юнармейжилериниң бир дугаар «Юнармияның мисс биле мистери–2024» мөөрейинге 14–17 харлыг оолдар, уруглар киржир.
«Мөөрей үезинде юнармейжилер бодун таныштырарынга, АК-74 автоматты чазып-чыырынга, күш-культурага белеткелиниң нормативтерин дужаарынга, ол ышкаш национал идик-хеп болгаш чогаадыкчы мөөрейге күжүн шенежирлер» — деп, «Юнармия» регионалдыг штабтың удуртукчузу Айдың Шивидек дыңнаткан.

Мөөрейниң киржикчилерин чогаадыкчы адырның профессионалдары, хөй-ниити ажылдакчылары, шериг албанныглар, делегей болгаш российжи фестивальдар болгаш мөөрейлерниң тиилекчилери үнелеп көөр.

Ол ышкаш бо айда «Кичээнгейлиг бол, угарлыг газ!», «22 шак! Урууңар бажыында бе?», «Кичээнгейлиг бол, чуга дош!» деп профилактиктиг акцияларны чарлаан.

А. СОЯН белеткээн.

Чурукту интернеттен алган.


"Шын" №23 2024 чылдың март 27.