Март 27-31 хүннеринде 7 ден 17 харга чедир 2021 оолдар-уруглар ТР-ниң Спорт яамызынга хамааржыр 29 спортчу дыштанылга төвүнге часкы дыштанылгазында ойнап-хөглеп эрттирген. Хүрежиринге сундулуг оолдар республика девискээринде туттунган 9 чаа “Эзир уязы” спортзалдарга барып, тренер башкыларындан хүреш арагларын өөренип ап турганнар. Школачыларның дыштаныр хүннеринде янзы-бүрү 225 хемчеглерни планнаан турган. Херек кырында 237 солун хемчеглерга өөреникчилер амырап киришкен.
Ол хемчеглер шупту аңгы-аңгы угланыышкыннарлыг эрттип турган. Чижээ, кадык чаагай амыдыралды суртаалдаары, өрт, орук болгаш транспорт айыылының дүрүмнерин база катаптап, хемнер-хөлдерге чораанда бодун канчаар алдынары, бойдусче агаарлаашкын үезинде онза бадалдар болу бергенде, бир дугаарында чүнү канчаарын, канчаар алдынарын, баштайгы дуза чедирилгези дээш өске-даа. Ол ышкаш бажыңнар чоогунга ойнап турган үеде, хөй –ниити черинге чораанда онза айыылдыг байдалдардан канчаар чайлап болурунуң дугайында башкыларындан арга-сүмелерни ап, билбес чүүлдеринге өөренип алганнар.
Уругларның эң-не шимченгир үезин кичээнгейге ап, тренер башкылар өөреникчилерге хол, бут бөмбүү, регби, хостуг хүреш, сумо, тыва хүрешке доктаамал маргылдааларны эрттирип турган. Ол ышкаш шыдыраа, шашки, ча адарынга, армреслингиге база болгулап турган.
Ниитизи-биле уругларның дыштанылгзының үезинде республика девискээринде Тываның Спорт яамызынга хамааржыр спортчу дыштанылга төптеринге кээп турган 2021 школачының 84-ү назы четпээн уругларның эргезин камгалаар комиссияның даңзызында турар уруглар. Эң-не хөй школачыларны Тожу кожуун хаара туткан, 45 школачының орнунга 196 школачы часкы каникулдарын спортчу дыштанылга төптеринге ажыктыг кылдыр эрттирген.
ТР-ниң Спорт яамызының парлалга албанының медээзи
#Шынсолун#МинспортТувы#Каникулышкольников
