Бүгү чуртта тускай шериг операциязыныӊ киржикчилерин деткиир талазы-биле ажыл-херек шалыпкын чоруп турар.
«Ада-чурт камгалакчылары» фондунуӊ регионалдыг салбыры улуг ажык-дузалыг ажылды кылып турар.
Бии-Хем кожууннуӊ чурттакчызы Буян Адышаа – тускай шериг операциязыныӊ киржикчизи. Ол Ада-чуртун камгалаар шериг хүлээлгезин күүседип тургаш, аар балыгланган соонда, чанып келген. Ажыл-иш амыдыралдыӊ кол үндезини дээрзин ол эки билир.
Бодунуӊ үш ажы-төлүн бут кырынга тургузуп азырап өстүрбүшаан, хуу ажыл-херек ажыдып алыр деп шиитпирлээн. Кожууннуӊ удуртулгазы ооӊ саналын деткээн. Республикада социал керээ талазы-биле ажылдаар тускай комиссия ону чүүлдүг деп көрген. Күрүне деткимчезиниӊ хөреӊгизи-биле Буян Адышаа бот-хандырылгалыг сайгарлыкчы ажылдыг апарган.
Эът аймаандан чаагай чем бүдүрүп кылыр цехтиӊ бүгү дериг-херекселин социал керээниӊ хөреӊгизи-биле садып алган.
Туран хоорайныӊ чурттакчылары чаа ажыттынган цехтиӊ эът чем барааннарын — манчы, бууза, котлет, тефтелини садып ап турарлар.
Дайынчы хоочуннарыныӊ чанып келгеш, бот-хандырылгалыг сайгарлыкчы болуп, амыр-тайбыӊ чурттакчыларга ажыктыг хандырылгалар чедирип турар апарганы база бир улуг чедиишкин болур.
Р. Демчик очулдурган.
Чуруктарны социал четкиден хоолгалаан.
“Шын” №97 2024 чылдың декабрь 18