Октябрь 17-де Тываның Баштыңы Владислав Ховалыг ээлчеглиг дорт шугумну эрттирип, республиканың чурттакчылары-биле чугаалажыр.
«Тываның Чазааның ажылында кол чүүлдер дугайында чугаалап берип, республиканың чурттакчыларын дүвүредип турар чугула айтырыгларга харыылаар мен» деп социал четкилерде бодунуң блогунга регионнуң удуртукчузу бижээн.
Владислав Ховалыгга айтырыгларны баш бурунгаар азы дорт эфир үезинде салып болур.
Тываның Баштыңынга айтырыгларны үш арга-биле салып болур:
- удур-дедир харылзааның тускай платформазы дамчыштыр https://forms.yandex.ru/u/600fa2090d66e728b64afa76/
- Күрүне ачы-дузазының порталы дамчыштыр https://pos.gosuslugi.ru/lkp/direct-line/5220/
- дорт шугумга хамаарыштыр тайылбырны Тываның Баштыңының постузунуң адаанга арттырып каар https://vk.com/vladislavkhovalyg?w=wall360104045_69449
Айтырыгларны чыырын болгаш сайгарарын Тыва Республикада регионнуң Башкарылга төвү чорудар.
«ВКонтакте» социал четкиде Владислав Ховалыгның албан ёзузунуң арынынга дорт эфирни дамчыдар. Телевидение дээш өске-даа немелде шөлдерге дорт эфирни чорудар чадавас. Ол айтырыгны техниктиг албан чери шиитпирлеп турар.
Тываның чурттакчылары-биле дорт эфирни Владислав Ховалыг чылдың-на эрттирип келген. Мурнуку дорт эфир 2023 чылдың сентябрь 6-да бүдүн чартык шак дургузунда эрткен. Регионнуң удуртукчузунуң социал четкилерде арыннарынга эрткен трансляцияга 15 муң ажыг көрүкчүлер киришкен.
“Шын” №77 от 2024 чылдың октябрь 9