Чоннуӊ дилээн күүсеткен.

Дүүн, октябрь 16-да, № 204 деп маршруттуг автобус Кызыл биле Ак-Довурак аразынга пассажирлер аргыштырар баштайгы рейсти кылган дээрзин республиканыӊ Орук-транспорт яамызы дыӊнадып турар.
Ол Кызылдыӊ Дружба кудумчузу, бажыӊ 55 деп адресте эрги автовокзалдан 16.00 шакта үнүпкен.
«Кызыл – Ак-Довурак – Кызыл» деп маршруттуӊ расписаниезин бадылап каан. Неделяда үш катап халдыр. Хүнде Кызыл хоорайдан вторник, среда, улуг- хүнде 16.00 шакта үнер.
Ак-Довурактан Кызылче понедельник биле средада эртенгиниӊ 8:00 шакта, а пятницада – 17:00 шакта «Мираж» деп кафеден үнер.
Кызыл-Мажалыкка чедир билет өртээ 530 рубль, Ак-Довуракка чедир 550 рубль болур.
Кожууннар, хоорайлар аразынга пассажирлер сөөртүр рейстиг автобустарны эгидерин чон Тываныӊ Баштыӊы Владислав Ховалыгдан дилеп турган.
Чурттакчыларыныӊ дилээн барымдаалааш, республиканыӊ Баштыӊы Дээди Хуралга Айыткалынга пассажирелер аргыжылгазыныӊ системазын чаартырыныӊ дугайында даалганы берген.
Республиканыӊ Орук-транспорт яамызы биле Кызыл хоорайныӊ чагыргазы ук даалганы күүсеткен.
Узун орук чоруурунга таарымчалыг амгы үениӊ автобустарын садып алгаш, маршруттуг рейстерниӊ болур-чогуур документилерин, тарифтерин негелде ёзугаар ажылдап кылып турарлар.
«Кызыл – Эрзин – Кызыл" болгаш "Кызыл – Хандагайты – Кызыл" деп маршруттарны бо чылдыӊ төнчүзүнге чедир аргыжып эгелээр дээрзин дыӊнаткан.
Тываныӊ Чазааныӊ медээзи-биле Р.Демчик белеткээн.