Энерелдиг эне назын
Эжиин ажып,
Эгин кырында үнүп келген
Эргим кижи Өнермаа
Тес-Хем кожууннуң Берт-Даг сумузунга хөй чылдарда ажылдап каан, Советтер ажылының хоочуну, Күш-ажылдың хоочуну, Берт-Даг сумузунуң хүндүлүг хамаатызы аттарның эдилекчизи. Өнермаа Баранмааның даараныр, аргыттынар дээш кылбас-тутпас ажылы чок. Хоочун амгы үеде Кызыл хоорайның оң талазында дачазында улуг чаагай огородунда шупту ногаа, чимисти тарып өстүрүп олурар. Күзүн 15—20 шоодай картофельди ажы-төлү-биле ажаап үлежирлер. Арат-ооловна ногаазы-биле янзы-бүрү салаттарны дузап, вареньелерни кылгаш, ажы-төлү, уйнуктарынга белеткеп чедиштирер эне. Ажы-төлү күш-ажылдың аңгы-аңгы адырларында ажылдап чоруурлар. Ава-эне бистиң Тывада 3 кыс ийистерниң Быжынды, Улашкы, Чамашкы (шола аттары) оларның хүндүлүг кырган-авазы болганынга дыка чоргаараар мен. Олар ам студентилер. Хүндүлүг эне Өнермаа Арат-ооловна Баранмаага быжыг кадыкшылды, чиик-сергек, омак-хөглүг узун назынны күзээлиңер!
Тамара ШИНИК.
Тес-Хем кожуун, О-Шынаа суур.
"Шын" №55, 2023 чылдың июль 26