Чырыдыышкын марафонунга онлайн таварыштыр киржип болур.

Бүгү чурттуң девискээринде «Знание» - масштабтыг чырыдыышкын марфону август 31-де эгелээн.

Чурттуң улуг даргалары, ат-сураглыг кижилери эртемнер аайы-биле онза солун билиглерни тайылбырлап берип турар.
Россияның Президентизи космос, политика болгаш уран чүүл дугайында ажык кичээл эрттирген.
«Уругларны-даа, улуг улусту-даа Чырыдыышкын марафонунга коштунуп алгаш, көөрүн сүмелээр-дир мен – деп, Тыва Республиканың Уруглар эрге-ажыктарының талазы-биле төлээзи Сайзана Товуу тайылбырлаан - Ооң түңнел кезээнге шылгараңгай спикерлерниӊ чугаазын, интервьюларын болгаш лекция-экскурсияларын көргүзер»
«Улусту бүзүредип чугаалаар эртеминиң дугайында Президентиниң парлалга-секретары Дмитрий Песковтуң кичээлин аажок сонуургадым. Бүзүредип шыдаар, бодунуң үзел-көрүжүн шынзыдып билир салым-чаяанныг болуру кол дээрзин ол чугаалап турду. Шак ындыг шынар чүгле күрүне албанынга эвес, а анаа амыдыралга база херек деп бодаар мен» - деп, хөй-ниитичи Азиана Увангур бодалын үлешкен.
«Игорь Бутман – бистиң республикавыстың хөгжүмчүлери-биле сырый хаарылзаалыг маңаа үргүлчү-ле келир аалчыларның бирээзи. Тывага дыка хөй культура-массалыг хемчеглер, концерттер ооң киржилгези-биле болуп турган. Дүүн, сентябь 1-де ооң марафонга киржип, сөс ап чугаалаан чүүлүн сеткилимден сонуургап көрдүм. Шак ындыг эптиг байдалды тургузуп бергени дээш, марафоннуң организаторларынга өөрүп четтиргенимни илередип тур мен» - деп, киносценарист и режиссер Виталий Петров өөрүп чугаалаан.
Марафоннуң сөөлгү хүнүнде ооң киржикчилери Москваның мэри Сергей Собянин болгаш Бир дугаар каналдың чиңгине директору Константином Эрнст-биле чугаалажыр.
Тываның чурттакчылары чырыдыышкын марафонунга онлайн таварыштыр киржип турар.
Москва – https://vk.com/wall-135454514_33810
Нижний Новгород – https://vk.com/wall-205996988_336
Санкт-Петербург – https://vk.com/wall-205893719_4094
Камчатка – https://vk.com/wall-205893390_204
Луганск (ЛНР): https://vk.com/wall-215387227_14
А также на сайте https://marathon.znanierussia.ru

Редакция TMG