Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

“Дүгде кыш, мында чай – бистер доңуп чор бис”

14 сентября 2023
15

Уруглар садтарынга болганчок ырлажыр мындыг сөстүг уруглар ырызын Тываның чурттакчылары дегийт утпаан боор. Чогум-на чылдың бо үезинге хөлчок таарышкан ыры: эртен, кежээ соок, дүъште чайын ышкаш изиг, чылыг агаар тургустунган үеге. Ырымы багай чылдарда Тывага сентябрь төнчүзүнде хар чаап, соок дүжүп келир болгай. Тус черниң коммуналчылары ону пат билир болгаш, чылыдылга үезинге баш удур-ла белеткенип эгелээр: хөй аал чурттаар бажыңнарның, албан-организация черлериниң оран-савазының хоолай-хоорзаларының гидравликтиг шенелделери, чылыдылга четкизиниң үрелиишкинниг азы бүдүнүнүң хыналдазы, хөмүр-даш сөөртүлгези-даа эгелээр.

Сентябрь 15-тен тура «Кызылдың ЧЭТ» акционерлиг ниитилели чылыдылга сезонун кезик-чамдыктап берип эгелээниниң дугайында ук ниитилелдиң парлалга албаны дыңнадып турар. Чүнүң-даа мурнунда чылыгны чада аайы-биле социал ужур-дузалыг объектилерже – эмнелгелерже, уруглар садтарынче, школаларже, улус хондур-дүндүр турар черлерже бээр. Ооң соонда чуртталга бажыңнарынче.

Мэрияның хоорай ажыл-агый департаментизиниң сагындырыындан алырга, чылыг энергиязының үзүктел чок бериишкинин хандырары-биле чуртталга бажыңнарының ээлери болгаш ажылдаар оран-савазы хоорайның девискээринде турар хереглекчилер одалга системазындан тырлы берген хейни үндүрери чугула. Ону боттандырарда бажың ээлери башкарылга компанияларынче азы бажың-балгат ээлериниң эштежилгезинче, а ол ышкаш оран-савазын ажаап-тежээп турар бүдүрүлгениң чуртталга-коммунал ажыл-агыйынче чагыгны киирер.

Чылыг энергиязының төдү бериишкининге холбашкан айтырыгларга харыыны «Кызылдың ЧЭТ» акционерлиг ниитилелдиң 8 (394 22) 9-18-00 дугаарлыг “божуу-далаш” телефонун дамчыштыр, а хөй аал чурттаар бажыңнарның чурттакчылары оларның бажыңнарын ажаап-тежээп турар башкарылга компанияларындан билип ап болур.

Бистиң корр.