Июль 24-те Дөгээ дагның кырында Будда бурганның тураскаалының девискээринге дыштанылга шөлүнүң байырлыг ажыдыышкыны болган. Ол шөлдү «Чурттаарынга таарымчалыг хоорай хүрээлеңи» деп федералдыг төлевилелдиң акшаландырыышкыны-биле туткан.
Хөй-ниитиниң дыштаныр черин брусчатка-биле шыпкаш, кылаштаар оруктарны кылган, ол ышкаш дыштанып олурар сандайлар, бок октаар урналарны, беседкаларны ында тургускан.
Ооң байырлыг ажыдыышкынынга Тываның Чазааның Даргазының оралакчызы Александр Брокерт, регионнуң тудуг яамызының ажылдакчылары, «Восток» КХН-ниң төлээлери база Буян Башкы киришкен.
2022 чылда «Чурттаарынга таарымчалыг хоорай хүрээлеңи» деп федералдыг төлевилелдиң бадылаашкыны чоруп турарда, бо төлевилелди республиканың чурттакчылары шилип алган.
Бистиң корр.
"Шын" №55, 2023 чылдың июль 26