Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Дүжүт хүнү

28 октября 2023
22

Республика чергелиг Дүжүт хүнүнүң, ажыл-агый ярмарказының мурнунда хүннерде кожууннарга дүжүт байырлалдары болуп, аңаа база тараажылар, ногаажылар бо күзүн ажаап алган дүжүдүнүң үстүн чаңгыс чер чурттугларынга сөңнээн. Күскү дүжүт байырлалдарының болгаш ярмаркаларының үезинде чаагай дүжүттү ажаап өстүрген ажыл-ишчи кижилерни шаңнап-мактаан.


Октябрь 27-де Туран хоорайга болган Дүжүт байырлалынга Тываның Баштыңы Владислав Ховалыг көдээниң шупту ажыл-ишчилеринге, чаагай дүжүттү тарып өстүреринге хамаарылгалыг болган шупту кижилерге изиг байырны чедирип, ажыл-ижинге чедиишкиннерни күзээн.

Көдээ ажыл-агый республиканың экономиказында кончуг чугула адыр дээрзин Дүжүт хүнү илередип турарын Владислав Ховалыг демдеглеп, ол чүгле байыр-найыр эвес, көдээ ажыл-агый продукциязының бүдүрүкчүлериниң арга-дуржулга солчур шөлү-дүр деп чугаалаан.

2023 чылда республиканың көдээ ажыл-агый бүдүрүлгелеринге техника-биле дузалаарынга 152 миллион рубль акшаны үндүргенин, 40 трактор, 12 чүък машиназы дээш ниитизи-биле көдээ ажыл-агыйның 200 машина-техниказын бергенин Владислав Ховалыг дыңнаткан.
Бо чылдың 9 айларында малчыннар 4 миллиард рубльдиң, чер ажыл-агыйының ишчилери 750 миллион рубльдиң продукциязын бүдүргени Тываның кадыг-берге агаар-бойдузунуң байдалынга улуг чедиишкин-дир деп республиканың удуртукчузу үнелээн.

Октябрь 28-те найысылал Кызыл хоорайга Дүжүт хүнүнүң байырлалы, бүгү Тываның «Дүжүт – 2023» көдээ ажыл-агый ярмарказы болур. Аңаа шупту кожууннарның ажыл-ишчилери тараазының, ногаазының дээш оран-таңдывыстың бо чылда хайырлаан дүжүдүнүң дээжизин делгеп салган.

Бистиң корр.


“Шын” №82 2023 чылдың октябрь 28