Дайынчы хөделиишкиннерниӊ хоочуннарынга кымнар хамааржырыл?

«Чаӊгыс демниг Россия» партиязы амыдыралга ылап-ла ажык-дузалыг саналдарны киирип турар.

Ооӊ база бир чижээ тускай шериг операциязыныӊ киржикчилерин, оларныӊ аразында кызыгааржы шериглерни, дайынчы хөделиишкиннерниӊ хоочуннары деп санаарыныӊ дугайында хоойлуну хүлээп алганы.

Тускай шериг операциязыныӊ сорулгаларын күүседиринче хаара туткан хамааты кижилерге база дайынчы хөделиишкиннерниӊ хоочуннары деп эрге-байдалды (статус) «Чаӊгыс демниг Россия» партиязыныӊ эгелекчи саналы-биле тывыскан. Оларга РФ-тиӊ Чепсектиг Күштериниӊ чамдык ажыл-херээн кылып турар хамаатылар хамааржыр. Чижээ, септелге бригадалары, эмчилер болгаш өске-даа специалистер. Оон аӊгыда, эки турачылар база дайынчы хөделиишкиннерниӊ хоочуннары болур.

Күрүне Думазы шак ындыг чаа хоойлуну хүлээп алган. Хоойлужудулганыӊ автору «Чаӊгыс демниг Россия» партиязыныӊ Чиӊгине чөвүлелиниӊ секретары Андрей Турчак, ук партияныӊ төлээлери болур сенаторлар болгаш депутаттар.

Дайынчы хөделиишкиннерниӊ хоочуннарынга ай санында акша төлевирин бээр, чуртталга-коммунал хандырылгазыныӊ төлевири, транспорт аргыжылгазы, санаторийге дыштаныры, эмчи хандырылгазы чиигелделиг. Оон-даа өске чиигелделерни хоойлу ёзугаар доктаадып каан.
А дайынчы хөделиишкинниӊ инвалид хоочуну халас социал хандырылга алыр эргелиг болурунуӊ дугайында хоойлуну Күрүне Думазыныӊ депутаттары бир үн-биле бадылаан.
Р.Демчик белеткээн.