Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Дайынчыларга дуза

15 октября 2023
11

Москвада болгаш Москва областа эмнелгелерде эмнедип чыдар дайынчылар, тускай шериг операцияга Тывадан киржикчилерге дузалаар талазы-биле ажылды Тыва Республиканың Москвада төлээ чериниң ажылдакчылары идепкейлиг чорудуп турар.

Төлээ чериниң ажылдакчылары волонтёрлар-биле кады Тыва чурттуг дайынчыларның эмнедип турары эмнелгелерге доктаамал барып, оларның бергедежи берген айтырыгларын сайгарып көөрүнге, херек кырында дузаны чедиреринге “Ада-чурттуң камгалакчылары” күрүне фондузунуң Тывада салбырының удуртукчуларын болгаш харыысалгалыг ажылдакчыларын, ол айтырыгларны шиитпирлежир ужурлуг Тыва Республиканың эрге-чагыргазының албан черлерин хаара тудуп турар.

Россия Федерациязының хоругдал черлеринден үнүп, Украинада тускай шериг операцияга киржилге үезинде балыглаткан бистиң чаңгыс чер чурттугларывыс тускай режимниг эмнелге черлеринде эмнедип чыдарлар. Ынчангаш оларның-биле ужуражыры, эмнедиринге херек эмнер, аъш-чем дээш өске-даа чүүлдерни дамчыдып бээри хоруглуг. Тускай режимниг эмнелгелерде дайынчыларга өг-бүлелериниң кежигүннери, төрелдери ужуражыр аргалыг болур байдалды тургузар дээш, Тыва Республиканың Москвада төлээ чериниң специалистери ажылдап турар.

Эмнеткен соонда, кадыын экижидери-биле реабилитация черлеринче чедип алырынга, азы Тываже чанарынга ТШО-нуң киржикчилеринге төлээ чериниң ажылдакчылары дузалажып, самолёттар билеттерин садып алырынга дээш өске-даа чүүлдерге дузаны үргүлчү көргүзүп турарлар. Чижээлээрге, ТШО-нуң киржикчилериниң бирээзи күрүнеден төлевир акшаны алырынга херек документилерни четчелээр ажылды “Ада-чурттуң камгалакчылары” күрүне фондузунуң Тывада салбырлары-биле кады төлээ чери чорудуп эгелээн.

Ш. МОНГУШ белеткээн.

Чуруктарны ТР-ниң Москвада төлээ чериниң сайтызындан алган.


«Шын» №78 2023 чылдың октябрь 14