Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Дайынчыларның чагыын хандырган

8 апреля 2024
9
Республиканың күүседикчи эрге-чагыргазының, политиктиг партияларның болгаш хөй-ниити каттыжыышкыннарның төлээлери составынче кирген Каттышкан штабты тускай шериг операция эгелээри билек, Тываның Баштыңы Владислав Ховалыгның даалгазы-биле тургускан.

Хууда кижилерден, күш-ажылчы коллективтерден болгаш сайгарлыкчы тургузуглардан ТШО-нуң киржикчилеринге янзы-бүрү хевирлерниң дузазын хүлээп алыр “Демнежилге” фондуну тургузарын Каттышкан штабтың кежигүннери шиитпирлээн. Фондунуң директору Артыш Иргит болгаш Чаңгыс аай штабтың кежигүннери тускай шериг операция чоруп турар девискээрге чедип, Тывадан дайынчы хөделиишкиннерде киржип турар дайынчылардан чагыгларны хүлээп ап, оларның чагааны дериг-херекселдерни садып азы чыып алыр ажылды чорудуп келген.

Тускай шериг операциязының киржикчилерин болгаш оларның өг-бүлелерин деткиир талазы-биле Чаңгыс аай штаб 55-ки гвардейжи мото-адыгжы (даг) бригаданың дайынчыларының чагыы-биле чыгган техниктиг дериг-херекселдерни шериг кезээниң адыгжы ротазының снайперлер бөлүүнүң командиринге дамчыдып берген. Сес дериг-херекселдиң аразында лазерлиг туран, радиостанция дээш өске-даа техниктиг чепсек-херексел бар. Оларны снайперлерниң командиринге дамчыдып бээри Тыва Республиканың Москвада төлээ черинге болган.

Бо удаада дамчыдып берген дериг-херекселдерни республиканың чурттакчыларының, хөй-ниити организацияларның болгаш сайгарлыкчыларның, өске-даа каттыжыышкыннарның “Демнежилге” фондуга чыгган акша-хөреңгизи-биле саткан.

Бии-Хем кожууннуң чурттакчыларының ТШО киржикчилеринге дуза кылдыр бергени УАЗ марканың ийи машиназын, тускай шериг операцияда киржип турар дайынчыларның бирээзиниң авазы берген Нива марканың чаңгыс машиназын “Ада-чурттуң камгалакчылары” күрүне фондузунга ТШО-да бистиң чаңгыс чер чурттугларывысче чорудары-биле хүлээдип берген. Ол автомашиналарны апрель сесте Абакан хоорайга чедирер, оон улаштыр чүък поездизинге чүдүргеш, Донда Ростов хоорайже сөөртүп аппаар.

Берге оруктарга чоруп шыдаар УАЗ, Нива машиналарны дайынчы даалгаларны күүседиринге, балыглатканнарны тулчуушкун шөлдеринден үндүрүп, өй-шаанда дуза чедиреринге ажыглап турар деп ТШО-да Тывадан дайынчыларга дуза талазы-биле Чаңгыс аай штабтың секретары Айдыс Докан-оол чугаалаан.

2024 чылдың эгезинден бээр үеде фронтуда бистиң чаңгыс чер чурттугларывысче Тывадан ниитизи-биле сес автомашинаны чоруткан, оларның аразында организацияларның болгаш хамаатыларның дузага берген автомашиналары бар. Улусчу фронт биле Россияның демир-оруктар компаниязының аразында дугуржулга ёзугаар ол автомашиналарны ТШО девискээринге демир-орук-биле сөөртүп чедирип турар.

Бистиң корр.
Ада ТЮЛЮШТУҢ тырттырган чуруктары.

«Шын» №26 2024 чылдың апрель 6