Бирюза – айтыр салаазынга алдын-биле хээлеп каан турда кедер. Карак шоо баксырап турар улуска эки.
Жемчуг – шыдамык болурунга эки болгаш кара сагыштыг, каржы улустан камгалаар шынарлыг. Ыяап-ла эжештир кедер, чаңгысты кетпес, аныяксыдар.
Изумруд – бериллдиң чайынналчак хевири, алмазтың соонда турар үнелиг даш. Алдын-биле хээлеп каан турда кедерге, чыпшынар аарыглардан камгалаар. Дүне уйгузу келбес улуска дузалаар. Мойнунга суп алгаш чоруурга, угааны чидиг, сергек болгаш караа көскү болур.
Карбункул – гранаттың бир хевири. Баш болгаш нерв аарыгларынга удур туржур шынарлыг.
Агат – чымчак бүдүштүг улустарга эки. Браслет кылдыр кедер.
Гиацинт – аметист азы гранаттың бир хевири дижип турган, ам цирконнуң бир янзы хевири деп билдинип келген. Караанга үен-даян чүве көстүр улус кедерге, дузалаар.
Гранат – шынчы, ак сеткилдиг, бүдүштүг улус ажыглаарга тааржыр.
Чурукту интернет четкизинден алган
"Шын" №33 2023 чылдың май 6
