Тываныӊ күрүнениӊ ойнаарактар театры Надя Рушева дугайында чаа шии үндүреринге белеткенип турар.
Виктория Хомушкунуӊ «Дээр биле ай кезээде кады турар» деп шиизин сценага тургузар сорулга-биле Бурят Республиканыӊ уран чүүлүнүӊ алдарлыг ажылдакчызы, чурукчу-тургузукчу Ольга Акимова Кызылда чедип келген. Ол – «Алдын маска» деп Дээди национал шаӊналдыӊ номинантызы, сураглыг чурукчу.
Шииниӊ режиссер-тургузукчузу – күрүнениӊ ойнаарактар театрыныӊ уран чогаадыкчы удуртукчузу Айдыс Чадамба. Чуруктарныӊ эскизин доозуптарга, артистерге рольдарны хуваар.
Бүгү делегейде ат-сураглыг чурукчу чаӊгыс чер чурттуунуӊ ролюн күүседиринге артистер шыырак белеткенип турар.
Р. Демчик белеткээн.