Красноярск хоорайга январь 25–28 хүннеринде И. Ярыгин аттыг Делегей чергелиг Гран-при маргылдаазынга Тываныӊ күрүне университединиӊ студентизи Кежик Монгуш 61 кил деӊзиге хостуг хүреш маргылдаазынга чедиишкинниг киришкеш, хүлер медальды чаалап алган.
Бо удаагы маргылдаага тыва спортчулардан чааскаан шаңналдыг черге кирген. Чедиишкинниг киришкен мѳгевиске болгаш ооӊ тренери Айдаш Самданга байырны чедирип, бо чылын болур Россия чемпионадынга тыва мѳгелеривисти чедиишкинниг киржирин күзеп каалыӊар.
Алексей ЧАМБАЛ-ООЛ.
"Шын" №7 2024 чылдың январь 31
