ТР-ниң Баштыңының 2023 чылда Айыткалынга хамаарыштыр IX-ку Камбы-лама Гелек Нацык-Доржу бодалын илереткен:
– Тываның Чазак Баштыңы Владислав Ховалыг чыл дургузунда республикага чоруткан ажыл-ижиниң дугайында тодаргайы-биле илеткеди. Ниитизи-биле сагыш-сеткилдиң-даа, материалдыг-даа сайзыралга идиглиг, бурунгаар ырак көрүш-биле 2023 чылдың сорулгаларын Чазак Даргазы айтып кыйгырды. Оларның аразында чаа үнер чылды чоннуң демнежилге чылы кылдыр чарлаан Айыткалы кайгамчык болду. Россияда хөй санныг, янзы-бүрү омак-сөөктүг чоннар чурттап чоруур болгай. Демниг болуру бистиң хүн бүрүде амыдыралывыска эки үре-түңнелди эккээр болур. А аңгылажып чурттаар болзувусса, ооң түңнели хилинчек-човулаңга чедирер болур. Ынчангаш демниг чурттаар болзувусса, бистиң ниитилеливис сайзыраар.
/ Алиса ДОНГАК чугаалашкан.
Чурукту интернеттен алган.
Демниг чурттаар болзувусса, бистиң ниитилеливис сайзыраар
16 декабря 2022
33