Херсон областың кадык камгалал сайыдының хүлээлгелериниң түр күүседикчизинге Артыш Михайлович Сат томуйлаткан.
Тываның мооң мурнунда кадык камгалал сайыды турган Артыш Сатты Херсон областа чаа албан-дужаалга томуйлатканы дээш дыка хөй улус – албанның кижилери-даа, карачал чон-даа байыр чедирген.
Херсон облазының губернатору Владимир Сальдо Кадык камгалал яамызының чаа удуртукчузун таныштырып тура, Артыш Сат 2022 чылдың чайындан эгелеп Херсон облазының Кадык камгалал яамызында чөвүлекчиниң албан-дужаалынга ажылдап, бо үениң дургузунда бодун мергежилин билир болгаш харыысалгалыг ажылдакчы кылдыр көргүскен деп чугаалаан.
2019 чылдан 2021 чылга чедир Артыш Сат Тываның Кадык камгалалының сайыдынга ажылдап турган. Ук албан-дужаалга томуйлаашкын ковид-биле байдал нарыыдаан үе-биле капсырлашкан.
#Шын #Кадыккамгалал #Медээ