"Дидир-дидирге" алыспазын кызыдар

Социал четкилерге база мессенджерлерге шак бо фото-чурук тарап, украин националистер республикада келген деп дүвүренчиг медээ нептереп эгелээн.

Шак бо чурукта оолдар херек кырында дүүн Кызыл хоорайга болуп эрткен Тыва Республиканың бодибилдинг талазы-биле IV дугаар ажык чемпионадының киржикчилери болганы билдинген.

''Ийе, бо чурукта, шынап-ла, бодибилдинг чемпионадының киржикчизи-дир - деп, маргылдааның организаторларының бирээзи дыңнаткан. - Ооң холунда татуировканы хөй чыл бурунгаар кылган боорда, украин нацизм-биле кандыг-даа харылзаазы чок. Ынчангаш республиканың чурттакчы чонундан артык дүвүрээзин үндүрбезин диледивис''.

Ынчангаш дайзыннарның чонну дүвүредип, коргудуп-сүртедири-биле үндүрүп турар хоп-мегезинге алыспазы чугула.