Дошталган оруктардан оваарныңар!

Федералдыг болгаш регионалдыг автооруктарның бо шакта байдалын чер чоруур бетинде баш бурунгаар «изиг шугумче» долгааш, билип ап болур.

8 (394-22) 2-11-08 (205); 8-929-358-09-11 дугаарларже долгааш, регион иштиниң азы кожууннар аразында оруктарның байдалын билип алыр.

8 (391) 265-01-12 дугаарже долгааш, «Кызыл – Абакан», «Кызыл – Чадаана – Хандагайты» федералдыг оруктарның байдалын билип алыр арга бар.

Оон ыңай ТР-ниң Орук транспорт яамызының https://clck.ru/35Lv6A болгаш «Тываавтодор» ККА https://clck.ru/36hnrg сайтыларында орук-чириктиң амгы үеде байдалын удаа-дараа дамчыдып турар дээрзин сагындыраал.

«Абакан—Ак-Довурак», «Хандагайты – Ак-Чыраа», «Бояровка –Тоора-Хем» аразында оруктарда чылныр пунктуларны тургускан.

Агаар-бойдус сооп, оруктарның байдалы баксырааны-биле орукка чорааш, оваарымчалыг болурун, эмин эрттир шаппазын чолаачылардан орукчулар кыйгырып тур!