Халыын изигде кижиниң организми харыксырап, баксырап, ол ышкаш чүрек-дамыр аарыглары улгадырының айыылы бар. Улуг назылыг кижилер айыылдыг бөлүкке хамааржыр, ылаңгыя хоочураан аарыгларлыг улус, ол ышкаш бичии уруглар.
Дунааргай изигни кадыкшылга хора чок кылдыр канчаар эртип алырыл?
- хүннүң дорт херелдериниң адаанга үр турбас;
- чырык өңнүг, агаар эрттирип "тынып" турар идик-хеп болгаш бөрт кедер;
- суг ижериниң чурумун сагыыр — бир хүнде 2,5 – 3 литрден эвээш эвес суг ижер;
- үстүг-чарлыг аъш-чем чиирин шеглээр;
- ажыг сүт аймаандан кылган аъш-чем болгаш ногаа аймаа чигени дээре;
- кадар 25 градустан өрү температурада хөй шимчээшкинниг спорт-биле өңнүктежип болбас;
- чигирзиг, газтыг суксуннар, энергетиктер болгаш алкогольду шеглээр;
- огород, дачага эртен даң бажында азы изиг чавырлы бээрге, кежээки үеде ажылдаарын кызыдыңар.