Красноярск хоорайга сентябрь 13–15 хүннеринде 2013–2014, 2011–2012 чылдарда төрүттүнген бичии 800 хире оолдар, уруглар аразынга Красноярскының лигазы деп маргылдаа база 21 харга чедир аныяктар аразынга Россияның алдарлыг тренери В.Н. Назаровка тураскааткан Бүгү-россия чергелиг дзюдо маргылдаазынга Уралдан, Сибирьден, Ыраккы Чөөн чүктен 153 шыырак мөге ноябрь айда Рязань хоорайга Россияның бирги чери дээш маргылдаага киржир эрге дээш күжүн хынап киришкеннер.
Бо маргылдааларның түңнелдерин ЦСКА–Тыва спорт школазының директору Буян Биче-оолдуң дыңнадыы-биле, бичии дзюдоистер чедиишкинниг эки хүрешкеннер. Бичии 12–13 харлыг оолдар аразынга чараш хүрежин көргүзүп, 34 кг чедир — Сулде Донгак (Чадаана), 50 кг — Давид Донгак (Олимп деп олимпийжи курлавырлар спорт школазы), 66 кг — Арслан Монгуш (ЦСКА-Тыва) тренерлерин өөреткеннер. Давид Донгак тергиин чараш хүреш деп тускай шаңналга төлептиг болган. Оон-даа бичии 10–11 харлыг оолдар аразынга 55 кг чедир 2–3 дугаар черлерге Чадаананың Олимпийжи курлавырлар спорт школазындан Тамирлан Куулар биле Ромеш Куулар төлептиг болганнар.
Мөгелерге база тренерлерге ак орукту, ам-даа эки чедиишкиннерни күзедивис.
А.ЧАМБАЛ-ООЛ.
«Шын» №72 2024 чылдың сентябрь 21
