Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Эң аныяк шинчээчиниң ажылын бедии-биле үнелээн

7 апреля 2023
40

Каа-Хем кожуундан өөреникчи уруг «Экономиканың дээди школазы» деп национал шинчилел университединиң Бүгү-россияның мөөрейинге шылгарап артканнарның санынче кирген. Сарыг-Септиң Юрий Гагарин аттыг дугаары 1 школазының 11-ги классчызы Софья Задоринаның ажылы «Өндүр ужудуушкун» деп шинчилел болгаш төлевилел ажылдарының Бүгү-россияның мөөрейинге бедик үнелелди алган. Ооң төнчү чадазы бо хүннерде Санкт-Петербург хоорайга эрткен.

Республиканың Өөредилге яамызының дыңнатканы-биле алырга, шинчилел ажылын Софья бодунуң эртем удуртукчузу, төөгү болгаш хөй-ниити билиглериниң башкызы Марина Радченко-биле кады чартык чылдың дургузунда бижип келген. Ук ажыл мөөрейге киирген ажылдарның аразындан эң дээре 79 ажылдың санынче кирген.

Марина Радченконуң чугаазы-биле алырга, Софья Задоринаның шинчилели чурт-шинчилел тематиказы-биле холбашкан болгаш хамааты дайынының тулчуушкуннарынга Тывага мөчээн кызыл партизаннарның уттундурган аттарын катап тургузарынга тураскааттынган. Сарыг-Сеп суурда акы-дуңмалышкы хөөрде тургустунган тураскаалды төөгү объектилериниң даңзызынче киирген болгаш ол күрүнениң камгалалында турар. Өөреникчиниң тускай шинчилелиниң ачызында уттундурган маадырларның кезек ат-сывын тодараткан, тураскаалды долгандыр девискээрни чаагайжыдып турар.

Эң аныяк шинчээчи кыс шаңнал кылдыр чурттуң дээди өөредилге черинче кирерде, чаңгыс аай күрүне экзаменинге 3 баллды алган.
"Мындыг чергелиг хемчег чогаадыкчы сеткил-хөөннү улам көдүрүп, тура-сорук барда, чүү-даа чүвеге күш чедиптер деп бодалды төрүттүндүрер" – деп, Софья ишти-хөңнүн үлешкен.

/ Бистиң корр.

"Шын" 2023 чылдың апрель 5 №24

#Шынсолун #Тыва #ӨөредилгеЯамызы #Каа_Хем #АныякШинчээчи #Экономика