Индиядан аныяктар Парижке эң-не бай куданы дүжүрген. Ваниши Миталл – чедиишкинниг аныяк банкир, а Амит Бшати – металлург бай хөреңгитенниң уруу. Олар кудазынче муң аалчыны чалаан. Куда байырлалынче аалчыларын душтук кыстың ачазының хуу самоледунга эккеп чедирип турган. Аалчылар мөңгүн шкатулкаларда суккан чалалгаларны алган.
Делегейде эң-не бай куданы неделя дургузунда байырлаан. Бадылажыр езулалды Тюильди сесерлиинге кылган, чүгле ол езулалды эрттирер дээш, неделя дургузунда ол черни хагган. Банкетти Версальда хааннар ордузунга, а куданың кол шайлаашкынын Парижтен 55 км ордуга эрттирген. Куданы Эйфель суургазының мурнунга салют-биле дооскан.
Кудага ниитизи-биле 6 муң аңгы амданныг болгаш ховар чемнер чирттинген, ооң хөй кезиин Индиядан самолетка эккеп турган. 1,5 сая доллар түңнүг 5 муң шил Chateau Mouton Rothschild элит винолар иштинген. Куданың аалчыларын Мулен Руж кабарениң самчылары болгаш Кайли Миноуг хөгледип турган.
Душтук кыстың деткикчилээн адазынга куданың чарыгдалы 72 сая
доллар болган.
"Шын" №32 2024 чылдың апрель 27
