«Таарымчалыг хоорай хүрээлеңин тургузары» деп федералдыг төлевилелди 2017 чылдан тура боттандырып келген. Бо төлевилелдиң ачызында республиканың хоорай, суурлары чаагайжыттынып турар.
«Чурттаарынга таарымчалыг хоорай хүрээлеңин хевирлээри» регионалдыг төлевилелдиң ээлчеглиг онлайн-бадылаашкыны 2022 чылдың апрель 15-те эгелээн.
Бо чылын республиканың аңгы-аңгы кожууннарындан 19 муниципалдыг организация ниитизи-биле 69 төлевилелди бадылаашкынга киириштирип турар. Оларның аразындан 27 төлевилелди бадылаашкын-биле шилээш, 2023 чылда федералдыг чаагайжыдылга программазынче кирер.
Бадылаашкын онлайн хевирге болур. Дараазында айтыгже (ссылка) кирер: za.gorodsreda.ru.
Хоорай, суурларның төлевилелдериниң дугайында кыска тайылбырны тус-тузунда бижээн.
Канчаар бадылаар?
Үстүнде айтыгже киргеш, бодунуң чурттап турар регионунга хамаарылгалыг төлевилелди шилип алгаш, бадылаар. 14 хардан өрү назылыг кижи бүрүзү чүгле чаңгыс шилилге кылып, бадылаар.
Айдың ОНДАР белеткээн.