Тускай шериг операциязының зоназынга ТШО-нуң Тывадан барган шериглери-биле оларның чоок улузунуң аразынга телекөвүрүг болуп эрткен.
Тускай шериг операциязынга киржип четкенден бээр элээн үр үеде эрткенде, бир дугаар чоок улузу, дөргүл-төрели-биле харылзажып турар шериглер эң-не чугула амыдыралчы айтырыглар дугайында чугаалажып, харылзашканнар. Авалары болгаш кады чурттаан эжи, уруг-дарыының иелеринге дайынчылар Бүгү делегейниң херээженнер хүнү-биле байыр чедиргеннер. Ол ышкаш чоок улузундан олар дээш артык дүвүрээзинге алыспазын дилеп, Тиилелгелиг албан чанып кээрин аазааннар.
Боттарының ээлчээнде, шериглерниң онча-менди чанып кээрин четтикпейн манап турарын дөргүл-төрели, чоок кижилери сагыш-сеткил хайныышкынныг байдалын чажырбайн, чугаалап турганнар. Ырак черде чаңгыс чер чуртугларының хей-аъдын бедидери-биле артистер тыва хөөмей-сыгытты бадырып, концерт номерлерин бараалгаткан.
Шак ындыг телекөвүрүглерни ТШО-да шериглерниң дайынчы тура-соруун бедидер сорулга-биле болгаш олар дээш дүвүревези-биле өг-бүлези, чоок улузу-биле харылзаштырып, удаа-дараа эрттирип турар.
РФ-тиң Камгалал яамызының медээзи-биле
Үстүнде айыткан яамының белеткээн биидеңи
#новоститувы #новоститывы #новостикызыл #кызыл #тувамедиагрупп #Тува #Тыва #Tuva #TMG #TMGNEWS #Tuvanews
https://vk.com/wall-58078898_93813?z=video-58078898_4..
