Школа доозар өөреникчилерниӊ билиин хынаар шылгалдаларны (ЕГЭ) экижидер талазы-биле саналдарны чыып алгаш, бүгү-российжи ниитилел ону сайгарган. Бо ажылды Россияныӊ өөредилге хайгааралы удуртуп эрттирген.
«Россия Федерациязынга Өөредилге сайзырадыр статегияда кол-кол сорулгаларны, кылыр ажылдарны, дүрүмнерни, күрүне политиказыныӊ кол угланыышкыннарын болгаш ону боттандырар хемчеглерни бижип каан. Ук Стратегия-биле Россия Федерациязынга өөредилгени үр үе дургузунда сайзырадыр.
Бо чоокку үеде күрүне шылгалдаларын ап кааптар деп чүве турбас. Доозукчулар баш удур белеткенип алзын дээш, кандыг-даа өскерлиишкиннерни каш чыл бурунгаар дыӊнадыр. Улуг класстыӊ өөреникчилери шылгалдаларга улаштыр амыр-дыштыг белеткенир ужурлуг. Чүгле Россияныӊ Өөредилге хайгааралыныӊ, Педагогика хемчеглериниӊ федералдыг институдунуӊ (ФИПИ) албан ёзузу-биле дамчыткан медээлеринге даяныр» — деп, Россияныӊ өөредилге хайгааралыныӊ удуртукчузу Анзор Мунзаев тайылбырлаан.
ТР-ниң Өөредилге яамызының медээлеринден.