Бир-ле катап ховуга ийи эжишки кылаштап чорааннар. Узун орукка могап-шылаанындан аразында маргыжа бергеннер. Бирээзи изигленгеш, эжин часкапкан. Эжи аарышкылыын шыдажыпкаш, удур харыы бербейн, ыыттавайн эрттирипкен. Ол чүгле элезинге: “Бөгүн эжим мени часкапты” деп бижээн.
Каш хонук эрткенде, олар оазиске чедип келгеннер. Сугга эштип турда, часкадып алган эжи бичии-ле болза дүже бээр часкан. Бирээзи эжин үезинде камгалап алган. Ынчан сугга дүже бээр часкан эжи дашка: “Эң-не чоок эжим мени өлүмден камгалады” деп чонуп бижээн. Ону эжи көрүп кааш тайылбырлап бээрин дилээн.
Ынчан бирээзи: “Хомудалымны элезинге бижээн ужурум, ону дүрген хадып каапсын дээш. А камгалап кааныңны черле утпас дээш, дашка чондум” деп харыылаан.
Бо угаадыглыг чугаа уругларга найырал дугайында ханы билигни, багай бодалды иштинге үр шыгжавас деп чүүлдү угаап чоруурунга дузалаар. А кижилерниң эки кылган чүүлдерин кажан-даа утпаза эки. Ол ышкаш эш-өөрүн үнелеп чорза чогуур, берге үелерде кижиниң чанынга турар улус олар болгай.
Чурукту интернеттен алган.
«Шын» №16 2025 чылдың май 1
