Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Эмчилерге мөгейиг

29 марта 2024
10
2024 чылдың февраль 27-де республиканың 2 дугаар эмнелгезинге кадыымның байдалы-биле чыдып эмнеттим. Ол эмнелгениң кол эмчизиниң хүлээлгезин күүседип турар Аржаана Күдер-ооловна Эникпен мени чазык-чаагай уткуп-хүлээп алгаш, эмнедири-биле чыттырып алды. Эникпен эмчиниң-даа, сестраларның-даа ажылынга аажок эки бердингени мени болгаш кады эмненип чыдар улусту кайгатты.


Эмчи аарып чыдар улуска эмнээринге көрдүнген болгаш кылыр ужурлуг чүүлдерни тайылбырлап бээрге, олар ону күүседип турдулар. Эмнери болгаш УЗИ эртери халас. Эмнелгениң аъш-чеминиң шынары болгаш ассортиментизи эмнедип чыдар улуска аажок таарышкан. Эртенги, дүъштеки, кежээки чемнерден аңгыда, немелде чемнер-биле (чимис аймаа, кефир, томат хандызы, омлет) хандырып турар. Хүнде алды катап чемгерер. Чамдыктарывыс баштактанып: «Эмчи чериниң амданныг чемин чеже халас чиир боор, эпчогун, дүрген чанар болза эки боор» – деп-даа турдулар.

Эмнелгеде чыдар улус өрээлдериниң иштин аштаары, өрээлдер чырыдары, температура чуруму эки. Бо эмнелгени эш-өөрүмге болгаш төрелдеримге кадыын эмнедип, быжыглап алырынга сүмелээр-дир мен. Тывавыста база ховар дээн эки эмнелге албан чери болду. Эмнелгениң улуг эмчизи Аржаана Күдер-ооловна ажылын ак сеткилдиг удуртуп ажылдап турар. Хүндүскү эмчи сестразы Саяна Николаевна Натпит-оол, хонуп ажылдап турар эмчи сестралары: А.Э. Ховалыг, Ч.Б. Саая, В.Э. Доңгак база Кочетов суурдан чаңгыс чер чурттуг дуңмам Лина Анатольевна Оюн ол эмнелгеде ажылдап турарынга чоргаарланмас аргам чок болду.

Бо эмчи сестралары эмчиниң берген даалгазын кончуг шыңгыы, негелделиг, кызымак күүседип турдулар. Аарыг кижиниң ажаалдазын биче эмчи сестралары — Л.Э. Доңгак, А.А. Оюн, Ш.С. Ооржак база боттарының хүлээлгелерин ак сеткилдиг күүседип, кызымакай ажылдап турарлар.

Ынчангаш оларга аарыг улусту эмнеп турарынга чоргаарланып, мөгейбишаан, ажыл-ижинге чедиишкиннерни, өг-бүлезинге, амыдырал-чуртталгазынга аас-кежикти, ам-даа бурунгаарлап, алдар-атка төлептиг болурун күзеп ор мен.

Сергей ТЫРТЫК.

“Шын” № 23 2024 чылдың март 27