Республиканың 1 дугаар эмнелгезиниң коллективи тускай шериг операциязында киржип турар Тывадан барган дайынчыларга болгаш Донбасстың чурттакчыларынга ачы-дуза чедирилгезин чорудуп турар.
Украинаның девискээринде тускай шериг операциязы эгелей берген үеден тура, үстүнде адаанывыс эмнелгениң коллективи ачы-дуза чедирилгезин үзүктел чок чорудуп келген. Ол ажыл барык чартык чыл уламчылап турар. Эмнелгениң коллективинден чыгдынган акша-түңнү “Мама” деп ачы-дуза фондузунче шилчиткен. Ол ышкаш 1,5 тонна чүък аъш-чем аймаа болгаш өске-даа чыгдынган чүүлдерни тускай операция чоруп турар девискээрлерже чоруткан. Чоорту эмнер аймаа, аптечкаларны база немээн.
Демдеглеп каар чүүл – эмнелгениң эмчилери боттары аңаа чедип, Донбасстың чурттакчыларынга эмчи дузазын чедирип турганнар. Д.О. Кыргыс, А.-Х.Б. Монгуш, Д.Р. Ондар, С.Х. Олчейбен, М.Р. Куулар, А.Э. Серен-оол база А.Н. СарыгларЛуганск хоорайның эмнелгезинге балыглаткан дайынчыларга кезиишкиннерни безин чорудуп турган.
Тускай шериг операциязында киржип турар чаңгыс чер чурттугларывыска чугула херек чүүлдер садып алырынга октябрь айда “Содействие” фондузунче 817 муң рубльди шилчиткен. Ниитизи-биле бүгү коллективтиң чыггаш чорудуп турган акшазының түңү 3,5 сая рубль четкен.
К. Монгуш
ТР-ниң Кадык камгалал яамызының медээзи-биле.