Март 7-ден тура Красноярск крайның эмнелгезинге чыткан ийи аарыг кижини үндүр бижээн.
Кезиишкин эртер бир аарыг кижи крайның эмнелгезинде арткан. Ооң байдалы чүгээр, ындыг болзажок өрттенген ханы балыгларны ам-даа эмнээр.
Кадык камгалалының сайыды Анатолий Югай республиканың чурттакчыларынга дузазын чедирген Красноярск эмчилеринге четтиргенин илереткен.
«Бистиң республиканың чурттакчыларын эмнелгелерге чыттырып, бедик деңнелдиг эмчи дузазын көргүскениниң бо чаңгыс эвес чижээ-дир. Ажылдар ниити медицинаның ниити информастыг системазы-биле чоруп турар» — деп, сайыт демдеглээн.
ТР-ниң Чазааның парлалга албанының медээлеринден.
“Шын” №39 2024 чылдың май 29