Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

ЕНИСЕЙ ЭКСПО – 2023

20 мая 2023
54

Май 19–21 хүннеринде Кызыл хоорайда Сүбедей спорт өргээзинге ТР-ниң Чазааның база “Енисей Сибирин хөгжүдер корпорация” АКН-ниң деткимчези-биле «Сибэкспосервис делгелге компаниязы» КХН «ЕНИСЕЙ ЭКСПО–2023» регионнар аразының XXV-ки делгелге-садыглаашкынын организастап эрттирип турар.

Делгелге-ярмарка үезинде Енисей Сибириниң регионнары Красноярск крайның, Тываның база Хакасияның девискээринге боттандырар тудуг, үлетпүр, туризм болгаш өске-даа адырларда боттарының инвестиция төлевилелдерин таныштырган инвестиция сессиязынга киришкен.
Чазак Даргазы Владислав Ховалыг хемчег үезинде республиканың сайгарлыкчылары болгаш компанияларның төлээлери-биле ужурашкан.Ол ышкаш Красноярск, Иркутск, Новосибирск, Якутск, Кемерово, Хакас Республика база Тыва Республикадан компаниялар делгелгеге киржип, боттарының бүдүрген барааннарын делгеп, бүдүрүлге технологияларын сонуургадып, ажыл-агыйжы партнерлар база хандырыкчылар-биле кады ажылдаарының арга-дуржулгазын үлежип турар.

Делгелгени сонуургап келген чон бүдүрүкчүлерниң өртек-үнези-биле аъш-чемни садып ап, чаа бүдүрүлгелер технологияларын көрүп, акцияларга база дегустацияларга киржир аргалыг болган.

Аъш-чем аймаандан аңгыда, идик-хеп, пөс-таавы, ювелирлиг каасталгалар, кадыкшылга херек барааннар, тудуг материалдары, үлетпүр болгаш садыг дериг-херекселдери, автомобильдер хөйнүң кичээнгейин хаара туткан. Оларның аразында "Тывамедиабөлүк" парлалга бажыңының реклама килдизи боттарының бүдүрүп турар продукциязын делгелгеге келген садып алыкчыларга таныштырган. "Шын", "Тываның аныяктары", "Сылдысчыгаш", "Тувинская правда" солуннарның үндүрүлгелери, солуннар чагыдылгазының дугайында акция, "Тува 24" телеканалдың, "Звезда-Кызыл" радиостанцияның ажыл-чорудулгаларын делгереңгей тайылбырлаан.

Хөй бүдүрүкчү компанияларның ажылындан “СПК” КХН-ниң чиңгине директору Аюши Монгуштуң ажыл-ижиниң дугайында сонуургадывыс. Бүдүрүлге компаниязы Кызылдың “Спутник” микрорайонунда 2019 чылдан тура 4 чыл дургузунда ажылдап турар. Ында ажыглалдан үнген эрги машина дугуйларының резиналарындан спортчу шөлчүгештерниң, албан-чериниң азы чуртталга бажыңнарының девискээрлериниң черин, чадаларны резина-биле шывар продукцияны, бажың тудар демир-бетоннар, брусчаткаларны бүдүрүп турар. Оларны чагыг ёзугаар кандыг-даа хемчээлге бүдүрүп турар.

Ол ышкаш “СПК” КХН чуртталга бажыңнарының, уруглар садтарының, школаларның, албан черлериниң девискээрин чаагайжыдар уруглар ойнаар шөлчүгештер, дыштанылга булуңнарын Красноярск, Чебоксары, Новосибирск хоорайларында бүдүрүлге компанияларының Тывада төлээлекчи партнеру болуп, чагыгларны хүлээп, ажылдап турар.

Чурттакчы чондан болгаш хууда сайгарлыкчылардан садыынче кирер чадаларының кырын резина-биле шып бээр дээн ышкаш чагыглар хөй кирип турарын Аюши Монгуш демдеглеп турар. Ылаңгыя кышкы үеде чадалар кырын резина-биле шып каарга, тайып кээп ужар таварылгалар турбас дээрзин ол чугаалаан. 2021 чылда 5 чыл стадионунуң шошкуур оруун резина-биле шыпкан. Компанияның бүдүрген барааннары хөй кезиинде чылыг үеде хереглелдиг болгаш, кышкы үеде октаттынган машина резиналарын чыып, янзы-бүрү хемчээлдиг үүрмек резина шывыгларын чайгы тудуг сезонунга уткуштур белеткеп алыр.

Сайгарлыкчы чорукту деткиир күрүне программаларынга Аюши Монгуш киржип көрбээн. Күрүне деткимчезин алыр мурнунда эгезинде кижи бодунуң күжүн, ажылының түңнелин көргүзүп, күрүне деткимчези чокка шыдаптар байдалын бадыткаар ужурлуг дээрзин ол санап турар. Аюши Монгуштуң демдеглеп турары-биле алырга, күрүнеден деткимче алган чамдык сайгарлыкчыларның төлевилели улаштыр сайзыравайн барган таварылгалар бар.

“СПК” КХН-ниң эң-не улуг орулгалыг төлевилелинге Кундустуг суурунга баскетбол болгаш хол бөмбүү ойнаар амгы үениң шөлчүгештерин, Кызыл хоорайның чамдык уруглар садтарының ойнаар шөлчүгештерин чаагайжыдып кылганын хамаарыштырып болур.
Делгелге май 19-та ажыттынган, ооң ажылы май 22-ге чедир уламчылаар.

/ Алиса ДОНГАК.
Буян ООРЖАКТЫҢ тырттырган чуруктары.

"Шын" №36 2023 чылдың май 20