Тываның шыдыраазының төөгүзүнде бир-ле дугаар улуг улус аразынга Ыраккы Чөөн Федералдыг округтуң чемпионадынга бистиң спортчувус Тамерлан Чындыгыр 3-кү черни алган.
Тамерлан Чындыгырның Тывага тренери Сергей Тюлюш турган. Ам ол Бурятиядан гроссмейстер Инна Ивахинованың удуртулгазы-биле белеткенип турар. Тамерланның төрелдеринге болгаш чоок кижилеринге боттарының оглунга болгаш ындыг шыырак шыдыраачыны өөредип каан тренерлеринге бүзүреп турары дээш, өөрүп четтиргеним илередиксеп тур мен. Ол ам 14 харлыг. Ам Россияның дээди шыдыраа лигазынга бүгү-ле бедик дужаалдыг гроссмейстерлер-биле ойнаар.
Мындыг болуушкун Тывага кажан-даа турбаан, мастерниң болгаш гроссмейстерниң нормалары ырак эвес. Шыдыраа бистиң чонувустуң ханында, база бедиктерни чаалап алырынга Тамерланга чедиишкиннерни күзеп каалыңар!
Бистиң корр.