Тывада эзирик байдалдыг машина башкарып чоруур чолаачыларны чогуур черинче дыңнадырын идепкейлии-биле деткип турар. Орук озал-ондактарын баш удур болдурбас хемчеглерни албышаан, дыңнадыг шаңналды канчаар ап болурул?
Республиканың Чазаа орук шимчээшкиниң айыыл чок чоруу дээш, идепкейлиг демисежип турар. 2024 чылдың июль 9-та Тываның Баштыңы Владислав Ховалыг эзирик чолаачылар дугайында дыңнаткан хамаатыларны шаңнаар дугайында доктаалга адын салган.
Шаңналды канчаар ап болурул?
2 муң 500 рубльдуң түңнүг шаңналды алырда, эзирик чолаачының хөй-ниитиниң чурумунга дүүшпес кылдыр бодун алдынып турарын көргүскен барымдааларны дыңнадыр. Машинаның бүрүткеттинген медээлерин болгаш ооң турар черин тодаргай айтып бээри чугула. Ук медээ орук полициязының ажыл-чорудулгазы-биле бадыткаттынган болур ужурлуг.
Шаңналды кым ап болурул?
18 хардан өрү хамаатылар шаңналды ап болур.
Эзирик чолаачы дугайында дараазында телефон дугаарларынче дамчыдар:
Ажыл хүннеринде 8.30 шактан 17.30 шакка чедир Тываның Чазааның Айыыл чок талазы-биле регионалдыг департаментизиниң телефон дугаарынче: 8 (39422) 9-73-74; Дыштаныр болгаш байырлал хүннеринде Чазактың дежурный телефон дугаарынче: 8 (39422) 2-12-94 долгаар.
Сактып алыңар! Силерниң медээңер кижилерниң амы-тынын, кадыкшылын, орук шимчээшкининиң айыыл чок чоруун баш бурунгаар камгалап турар.
Бир эвес силерде кандыг-бир айтырыглар азы немелде медээлер херек апарза, Тываның Чазааның Айыыл чок талазы-биле регионалдыг департаментизинден, Чазактың дежурныйындан айтырып болур.
Тываның Чазааның медээлеринден.
Чуруктарны интернет четкизинден алган.

