Тывага спортту хөгжүдеринге улуг ужур-дузалыг “Эзирлерниң уязы” губернатор төлевилелиниң угланыышкыны-биле республиканың көдээ суурларынга спорттуң материалдыг баазазы улам быжыгар.
“Эзирлер уязы” биче спорт залдарны тударының дугайында дугуржулгаларны Тыва Республиканың Спорт яамызы биле сес суму чагыргаларының аразынга чарган. Эрзин кожууннуң Бай-Даг, Тес-Хем кожууннуң Самагалдай, Барыын-Хемчик кожууннуң Аяңгаты, Сүт-Хөлдүң Кызыл-Тайга, Чеди-Хөл кожууннуң Ак-Тал, Чөөн-Хемчиктиң Чыраа-Бажы, Бай-Тайганың Кызыл-Даг, Каа-Хем кожууннуң Сарыг-Сеп суурларга “Эзирлер уяларын” тудар.
“Эзирлер уязы” губернатор төлевилели көдээге спортту сайзырадырынга улуг ужур-дузалыын херек кырында көргүскен. Суурларга биче спорт залдарны улусчу тудуг аргазы-биле тудары тус черлерниң чурттакчыларының деткимчезин алган.
2025 чылда 8 спорт залын тударынга бодунуң акша-хөреңгизин “Эльбрусметалл-литий” компания база киириштирер.
Бистиң корр.
Чуруктарны социал четкилерден алган.
“Шын” №35 2005 чылдың сентябрь 11
