Таңды кожууннуң Өг-бүле болгаш уругларга социал деткимче көргүзер төвүнге «Уруглар делегейи» деп чайгы лагерьниң I-ги сезону ажыттынган. Лагерьде хөй ажы-төлдүг, амыдыралы чегей болгаш берге байдалда турар өг-бүлелерниң ажы-төлү дыштанып турар. Лагерьниң бо ээлчээн Россияның Улусчу уран чүүлү болгаш культурлуг өнчүзүнүң чылынга тураскаадып ажыткан, сезоннуң программазының ады – “Езу-чаңчылдарның салгалы”.
Июнь 15-те тыва езу-чаңчылдарга тураскааткан хемчеглерни организастаан. Уруглар “Тыва чоннуң чаагай чаңчылдары” деп темага беседага “Тараа далганын хооруп, челбип белеткээри” деп көргүзүглүг кичээлге база тыва хүреш маргылдаазынга идепкейлиг киришкен. Уруглар, оолдар ол хүн езу-чаңчылдарга хамаарышкан дыка хөй ажыктыг чүүлдерни билип алган.
/ Бистиң корр.
