Тываның культуразында бо чылын база бир көскү болуушкун – «Алаш-фест” дириг хөгжүм фестивалы “Туран” сыын ажыл-агыйының девискээринге июль 6, 7 хүннеринде болуру манаттынып турар. Фестивальды делегейде ады-сураа алгаан “Алаш” бөлүүнүң 25 чылдаан юбилейинге тураскаадып эрттирери көрдүнген.
Бо фестивальга Хакас Республиканың филармониязының симфониктиг оркестри, Тываның национал оркестри болгаш чүгле Тывада эвес, а делегейде ады-сураа делгереңгей фольклор бөлүктер: “Хүн-Хүртү”, “Чиргилчин”, “Тыва”, “Одучу”, “Хөөмей-Бит”, “Тыва кызы”, «Хартыга», «Амырга-Моос», «Аян», «Шу-де», «Уван-Шу», «Чайыр» болгаш өскелер-даа киржир.
Фестивальдың программазында:
Июль 6-да
11:00 шакта аалчыларны хүлээп эгелээр.
19:00 шакта – фестивальдың байырлыг ажыдыышкыны. Аңаа “Алаш” бөлүү “Хөөмейниң симфониязы” деп төлевилелин бараалгадыр.
19:30 шакта –“Джинсылыг симфония - 4” – “Орус роктуң легендалары”. Хакас Республиканың филармониязының симфониктиг орткестриниң оюн-көргүзүү.
22:00 шакта – “Новая звезда–2024” телетөлевилелдиң эң дээрелериниң аразынче кирген “Аян” бөлүүнүң оюн-көргүзүү.
23.00 шакта – Дискотека-биле фестивальдың бирги хүнү доостур.
Июль 7-де
11.00 шакта тыва национал хөгжүм херекселдеринге ойнаарынга болгаш хөөмейге мастер-класс.
12.00 шакта – чонар- даштан, ыяштан дүрзүлер чазаарынга мастер-класс.
13.00 шакта – “Дааш биле Шимээн” уругларның оюн программазы.
13.00-дан 18:00 шакка чедир – Фестивальдың хедлайнерлериниң саундчеги.
19.00 шакта – “ Алаш фест–2024” фестивальдың хедлайнерлериниң Гала-концертинге Тыва Национал оркестр, “Алаш”, «Тыва кызы», «Чиргилчин», «Хүн-Хүртү», «Одучу», «Уван шу», «Шудэ», «Чайыр», «Амырга-Моос», «Хартыга»,
«KHOOMEI BEAT», «АЯН» бөлүктери киржир.
23.00 шакта — Джем сейшн (фестивальдың хедлайнерлери).
23:30 шакта – Дискотека.
Июль 8-те фестивальдың киржикчилери тарап чанар.
Фестивальче кирери өртектиг. 1000 рубльди төлээш, 2 хүн солун концерт, оюн-тоглааны магадап көрүп болур. 12 харга чедир уругларны халас киирер.
Шак мындыг тергиин дирткен делегей чергелиг “сылдыстар” чыылган фестивальды көрүксээн улустуң удуур-чыдар черинге хамаарышкан айтырыгларны дараазында телефонче (+7-923-265-6564) долгааш, билип ап болур.
Бистиң корр.
Чурукту интернеттен алган.
“Шын” №49 2024 чылдың июль 3
![](https://shyn.ru/media/cache/2024/07/05/xopanzz2zzo-d49829340c.jpg)