Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
09 августа, вт

Өг-бүле болгаш ие-чашты деткиир болгаш камгалаар талазы-биле ажылдар

10 июля 2022
7

Тываның Чазаа ТР-ниң Күш-ажыл болгаш социал политика яамызының уругларның болгаш ажы-төлдүг өг-бүлелерниң 2021 чылда байдалының дугайында Күрүне илеткелин чүүлдүг деп көрген.

Республиканың Баштыңы Владислав Ховалыг ук илеткелди албан черлеринге хөй-ниитиден эксперттерниң киржилгези-биле сайгарарын дааскаш, ооң дугайында доктаалга бөгүн ат салган.

Сайгарылганың түңнелдери-биле чаш назынның нарын айтырыгларын шиитпирлээр чугула ажылдар болгаш уругларның эрге-ажыын, камгалалын, сайзыралын хандырар хемчеглер тодараттынган турар ужурлуг.

ТР-ниң Күш-ажыл болгаш социал политика яамызының тайылбырлааны-биле алырга, системажыттынган чугула медээлер федералдыг болгаш регионалдыг эрге-чагырга билдингир турзун дээш, Күрүне илеткелин чыл санында белеткеп турарлар. Илеткелде ажы-төлдүг өг-бүлелерниң 2021 чылда байдалын 2020 болгаш 2019 чылдарда турганынга деңнеп, күрүне политиказының кол угланыышкыннарының долу анализин кылган болур. Чижээлээрге, өг-бүлелерниң социал-экономиктиг байдалының айтырыглары, херээжен чоннуң болгаш ажы-төлдүң кадыкшылы, чемненилгези, өөредилгези, уругларның сайзыралы болгаш кижизидилгези, ада-иениң болгаш элээди уругларның ажылга хаара туттунганы, өг-бүлени чедимче чок болдурбазы, ажы-төл өскүс артпазын дээш, баш бурунгаар ажылдаары, амыдыралдың нарын байдалында таварышкан ажы-төлдү деткиири дээн ышкаш айтырыгларны илеткелде сайгарган болур.

Бөгүн республикада 90880 өг-бүле чурттап турар. Оларның 35,5 хуузу азы 32280 өг-бүле хөй ажы-төлдүг. 18 харга чедир назынныг уругларның ниити саны – 128 131. Ол дээрге Тываның чурттакчы чонунуң 38,5 хуузу-дур. Регионнуң эрге-чагыргазының ажы-төлдүг өг-бүлелерни чылдан чылче деткип турарының ачызында уруглар хөй төрүттүнмүшаан.

2021 чылда уругларга көрдүнген социал төлевирлер 6 млрд ажыг рубль болган. Ол 2020 чылдың төлевирлериниң ниити түңүнден 49,7 хуу хөй болуп турар.

Илеткелде чугаалап турары-биле, ие-чашты деткиир болгаш камгалаар талазы-биле ажылдарны чорудары республиканың эрге-чагыргазының 2022 чылда база кол угланыышкыннарының бирээзи болуп артар.

Бистиң корр.