Өг-бүлелерге боттуг ачы-дузаны чедирер дээш бүгү чуртта штабтарны тургускан.

Мобилизацияже келдирген шериглерниӊ өг-бүлезинге амыдыралчы айтырыглардан аӊгыда, юридиктиг болгаш психологтуг ачы-дуза дээш ниитизи-биле бүгү талалыг деткимче бээри-биле, «Чаӊгыс демниг Россия» партиязы болгаш «Кады бис» деп волонтерлар шимчээшкини каттыжып алган.
Бүгү чурттуӊ девискээринде шак ындыг өг-бүлелерге дузалдаары-биле «Чаӊгыс демниг Россия», «Кады бис», «Чаӊгыс демниг Россияныӊ Аныяк гвардиязыныӊ» каттышкан штабтарын тургузар.
Өг-бүлелерниӊ штабка киирген дилээн волонтерлар аразынга хуваар, ол үезинде ону күүседип турарын дарый хынаар «чаӊгыс көзенек» хевиринге дузаны чедирер системаны ажылдап кылыр.
- Мобилизацияныӊ баштайгы хүннеринден тура партияныӊ чон хүлээр черлеринге болгаш чонга дузалаар Штабтарынга аӊгы Төптер ажылдап эгелээн. Тускай шериг операциязыныӊ девискээринче чоруп турар шериглерниӊ өг-бүлелеринге ачы-дузаны чедирип турар – деп, «Чаӊгыс демниг Россияныӊ» Чиӊгине чөвүлелиниӊ секретарыныӊ оралакчызы Дарья Лантратова тайылбырлап турар.
- Чон хүлээр черлерге 7 муӊ ажыг билдириишкиннер киирген. Улус документилер долдурарынга юридиктиг дуза чедирерин дилеп турар. Аӊгы-аӊгы субсидияларны бээр чурумунуӊ дугайында айтырып турар. Амыдыралдыӊ аар-саар ажыл-херектеринге хамаарышкан дилеглер-даа бар. Уругларын кружокка чедирерин азы чоок улуг назылыг улузун ажаап-карактаарынга дузалажырын-даа дилеп турарлар.
Партияныӊ регионалдыг салбырлары канчаар-даа аажок улуг ажылды кылып чорудуп келген. Күүсекчи органнарныӊ, регионалдыг болгаш тус чер бот-башкарылгазыныӊ эрге-чагыргалары-бимле ажыл-херекти таарыштыр башкарып, дыка хөй айтырыгларны тодаргайы-биле шиитпирлеп турарлар.
Кайнаар барайн, кымдан дуза дилээйн деп бодавас кылдыр, дузалаптар улус оларныӊ чанында бар деп чүүлдү билир болзун дээш, ачы-дуза оон-даа чедимчелиг болгаш дарый дүрген кылдынар болзун дээш, кижилер-биле ажылдаар системаны таптыг ажылдап кылыры чугула дээрзин партияныӊ Чиӊгине чөвүлелиниӊ секретарыныӊ оралакчызы Дарья Лантратова демдеглээн.
«Чаӊгыс демниг Россия» партиязыныӊ регионалдыг салбырыныӊ медээзи-биле Р.Демчик белеткээн.9