Россияның Спорт яамызы ГТО-нуң бөлүк хемчеглерин чедиишкинниг күүсеткеннерни алдын демдектер-биле шаңнаар дужаалды үндүрген.
2023 чылдың июль 1-ден сентябрь 30-ге чедир тестиниң түңнелдери-биле ГТО-нуң бөлүк хемчеглерин чедиишкинниг күүсеткеннер шаңнадыр. Тывага III дугаар кварталдың түңнелдери-биле 58 кижи алдын, 34 спортчу мөңгүн, 11 чурттакчы хүлер демдектерни алган.
Чылдан чылче Тывада ГТО шимчээшкининиң киржикчилери көвүдеп олурар. Чылдың-на республиканың девискээринге янзы-бүрү категорияның хамаатыларынга норматив күүседири-биле 200 ажыг спортчу хемчеглерни эрттирип турар. Ниитизи-биле республикада 11 тестирование төптери бар.
ГТО-га тергиидээн демдектер абитуриентилерге Чаңгыс аай күрүне шылгалдаларынга 1-ден 10 балл немеп бээр, студентилерге бедиткен стипендия алыр, ажылдап турар кижилерге шаңнал акша азы кандыг-бир немелде чиигелде алыр арганы бээр.
Бистиң корр